गुरु

आज फेरी पर क्षितिजबाट एउटा उज्यालो फैँलिदै आउँदा

त्यसमा मैले तिमीलाई देखेँ 

जीन्दगी जीन्दगीजस्तै भएको दिन

म तिमीलाई सम्झन्छु

जीन्दगी जीन्दगीजस्तै नभएको दिन पनि

म तिमीलाई सम्झन्छु।

सपना देखेको दिन,

सपना पुगेको दिन,

अनि सपना टुटेको दिन

म तिमीलाई सम्झन्छु

लडेको दिन, उठेको दिन 

र लड्दा लड्दै सम्हालिएको दिन

जितेको दिन, हारेको दिन 

अनि जित्दा जित्दै हारेको 

र हार्दा हार्दै जितेको दिन

म तिमीलाई नै सम्झन्छु

को हौ तिमी ?

किन आउँछौ हरेकपल सम्झनामा मेरो ?

के तिमीबिना मेरो अस्तित्व छैन ?

के तिमीबिना मेरो जीवन छैन ?

पर क्षितिजबाट आएको उज्यालोले भन्यो 

हो ! छैन ऊ बिना तेरो अस्तित्व छैन जीवन छैन ......

मेरो जीवनलाई जीवनजस्तै बनाइदिने

लडेर उठ्न,

हारेर जित्न सिकाउने

अनि मलाई बाँच्न सिकाउने गुरू 

तिमीलाई सत् सत् प्रणाम !!!